من انا
بديت أكتب لقصـه قلبـي الـي فارقـه خلـه
على ذكرى السنين الماضيه والحـل والترحـال
وليـلٍ غربتـه طالـت ونفسـي فيـه منعلـه
أحسب الحب ماهو صدق احسبه بس لعب عيال
لقيت الحـب جـرحٍ مايداويـه الزمـن لـلـه
وأحسب أن المفارق دمعتين وينتهـي المـوال
وأحسب النوم هين بعد فرقـا أعـز خلـق الله
لقيت أن الفراق اشد في قلبـي مـن الزلـزال
ونومي فارق عيوني ولا أدري كيـف بوصلـه
وفت لي بس حظـي ماوفالـي والزمـن قتـال
يعين الله يـا قلـبٍ سقـاه الوقـت مـن ذلـه
تعاهدنـا ولكـن ذوقتنـا أيامـنـا الغـربـال
ياليـت أن الدمـوع تجيبهـا والله لا أهـلـه
ويوم انه درت بأمر الفراق الدمع منهـا سـآل
فديت أدموعهـا يانجـم حائـل رح لـه وقلـه
يمين الله حبه با الضلوع العوج صـال وجـال
وعرفت الحب بعضه يخرج المسلم مـن الملـه
سلام الله عليها كل ماجـى ذكرهـا بـا البـال
وسلام الله علـى قلـبٍ مخاويهـا مثـل ظلـه
وسلام الله على أطيب قلب شفته في زمن دجال
يميـن الله قلبـي فـدوة الغالـي وملـكٍ لـه
تفارقنا غصـب عنـا ولكـن لوفراقـه طـال
بيبقى القلـب ملكـه والمشاعـر ملكهـا كلـه
بنيت بقربها أحـلا الأمانـي وأجمـل الآمـال
وضاع الحلـم وتبـدل شقـى وهمـوم منهلـه
الأ يالايمي لو شفـت جرحـي والله ان تهتـال
تعاف النوم عينـك والسهـر ماظنـي أتملـه
وتحس الموت أهون من فراق أحباب بعد وصال
وتعـرف أن الفـراق يقطـع القلبيـن ويتلـه
بعد ذكـر الألـه الواحـد الـي عالـيٍ متعـال
 |
 |
اضافة تعليق